​က​ညီ

Minnesota Bilingual Seals ( MN SEALS) န့ၣ်မ့ၢ်ဝဲတၢ်ပာ်ပနီၣ်ဘၣ်ဃး တၢ်မၤလိလံာ်လဲၢ်လၢအဖိးသဲစးလၢအမ့ၢ်တၢ်သိၣ်တၢ်သီလၢဘၣ်တၢ်ဒုးအိၣ်ထီၣ်အီၤဖဲ၂၀၁၄ လၢ Learning English for Academic Proficiency and Success (LEAPS) တၢ်ဘျၢအဖီလာ်လီၤ. Bilingual Seals မ့တမ့ၢ် လံာ်အုၣ်သး တဖၣ် န့ၣ်ဘၣ်တၢ်ဟ့ၣ်လၤကပီၤအီၤဆူ မံၣ်နံၣ်စိထၣ်ကၠိဖိလၢအကဖျိထီၣ် တီၤထီကၠိ တဖၣ်လၢအမၤပှဲၤဝဲတၢ်ပာ်ပနီၣ်တၢ်အတီၤပတီၢ်ဘၣ်ဃး တၢ်သ့ကျိာ် အဂုၤအဂၤ တကျိာ်ဂ့ၤဂ့ၤဘၣ်ဘၣ်ဒီးမၤပှဲၤဝဲအဲကလံးကျိာ်တီၤလံာ် ခြဲးဒံးတဖၣ်လီၤ.

Seal လံာ်အုၣ်သးအံၤ ပာ်ပနီၣ်ဝဲဒၣ်ပှၤကၠိဖိအတၢ်သ့ကျိာ်ဒီးအတၢ်သ့ၣ်ညါတၢ်ဆဲးတၢ်လၤအဂုၤအဂၤတဖၣ်ဂ့ၤဂ့ၤဘၣ်ဘၣ်ဒီးမၤဂ့ၤထီၣ်ဝဲတၢ်ပတံထီၣ်ခီလ့ၣ်ကၠိ အလံာ်ဒီးမၤအါထီၣ်တၢ်ခွဲးတၢ်ယာ်လၢတၢ်ကဒိးန့ၢ်ဘၣ်တၢ်ဖံးတၢ်မၤတဖၣ်သ့ဝဲလီၤ. Seal လံာ်အုၣ်သးအံၤ ဒုးဟ့ၣ်ကလီဝဲခီလ့ၣ်ကၠိခြဲးဒံး ဆူကၠိဖိတဖၣ် အအိၣ် သ့ဝဲလီၤ. Seal လံာ်အုၣ်သးအံၤ ဆီၣ်ထွဲဒုးအိၣ်ထီၣ်စ့ၢ်ကီးဝဲ ကျိာ်အါကျိာ်ဒီး တၢ်ဆဲးကျၢဆဲးကျိးလၢတၢ်ဆဲးတၢ်လၤအါမံၤအါကလုာ်အကျါလၢပကီၢ်စဲၣ်အပူၤလီၤ.

ပှာ်ယဲၤသန့အံၤ ဟ့ၣ်ထီၣ်ဝဲတၢ်ဂ့ၢ်တၢ်ကျိၤဆူ ကၠိဖိ, မိၢ်ပၢ် ဒီးသရၣ်, သရၣ်မုၣ်ဒီး ကၠိပၢဆှၢတၢ်ပှၤဘၣ်မူဘၣ်ဒါတဖၣ်ဘၣ်ဃး Minnesota Bilingual Seal အဂ့ၢ် ဃုာ်ဒီးတၢ်ပညိၣ်ဖီတၢၣ်လၢတၢ်ကမၤဂ့ၤအါထီၣ်တၢ်မၤထဲသိးတုၤသိးတၢ်ဒီးတၢ်ခွဲးတၢ်ယာ်လၢတၢ်ကဒိးန့ၢ်ဘၣ်လံာ်အုၣ်သးအံၤအဂီၢ်လီၤ. ပှာ်ယဲၤသန့အံၤဘၣ်တၢ် ဆီၣ်ထွဲမၤစၢၤအီၤလၢ a Title VI Language Resource Center grant to the Center for Advanced Research on Language Acquisition (CARLA) at the University of Minnesota in partnership with the Minnesota Department of Education.