Hmoob

Lub thwj paub ob hom lus hu ua Minnesota Bilingual Seals (MN SEALS) yog ib qho kev lees paub txog kev kawm los ntawm tsoom fwv raws li tau muab zwm thaum xyoo 2014 rau hauv tsab cai Learning English for Academic Proficiency and Success (LEAPS) Act. Lub thwj paub ob hom lus (Bilinguag seals) los yog cov ntawv pov thawj rau cov tub ntxhais kawm tiav qib high school es yog cov paub rau theem uas yeej txawj hais hom lus hauv ntiaj teb (world language) thiab kawm puv cov qhab nias rau chav kawm ntawv Askiv hu ua English Language Arts kom thiaj kawm tag.

Lub thwj (Seal) lees paub txog ib tug tub ntxhais kawm ntawv qhov nws paub hais lus thiab paub txog cov kev cai dab qhuas, thiab nws yeej pab thaum ua ntawv thov mus kawm ntawv qib siab thiab thaum nrhiav hauj lwm ua.  Lub thwj (Seal) yeej pab tau cov tub ntxhais kawm ntawv kom tau cov qhab nias pub dawb rau qib siab.  Lub thwj (Seal) txhawb kev kawm ntau hom lus thiab kev sib txuas lus ntawm cov kev cai dab qhuas sib txawv hauv peb lub xeev.

Lub vaj sab nov muaj cov ntaub ntawv rau cov tub ntxhais kawm ntawv, cov niam txiv, cov xib fwb, thiab cov thawj tswj qhia kom paub txog lub thwj paub ob hom lus (Minnesota Bilingual Seals) nrog rau lub hom phiaj tsim kom muaj kev pab sib npaug zos thiab kom paub txog daim ntawv pov thawj nov. Lub vaj sab nov txhawb los ntawm pob nyiaj Title VI Language Resource Center grant mus rau lub chaw Center for Advanced Research on Language Acquisition (CARLA) ntawm lub tsev kawm ntawv qib siab University of Minnesota uas koom tes nrog lub tuam tsev  Minnesota Department of Education.